فريم مصر

المحشى المصري

المحشي المصري

تعالوا نعرف اصل المحشى المصري جه منين على قناة فريم مصر وبيعتبر المحشي اكل مصري شعبي والكل بحيبه.

صحيت النهاردة جعان ومش عارف اكل ايه كالعادة ملقتش ادامي غير ست الكل اسالها حتاكلينا ايه النهارده قالتلى حقولك علي فزورة حلوة وصغيورة لو حلتها حوريك ليها صورة.
اكلة ياما بوظت جوازات وخربت بيوت ستات ولما بتتعمل بتاخد وقت بالساعات.

حزر فزر بتكلم على ايه طبق ليه احترامه لما بيتحط ع السفرة الكل بيوسعله لا تقولي بط ولا فراخ كل دي شكليات ده طبق اخد وضعه يابا اعظم اكله في المجرة كلها, الصوبع اللي بتاكله بينزل في قلبك مش في بطنك بس مشكلته بقا مع القولون كلنا عارفينها.

فجاه بعد ما تاكله بتحس بتنميل خفيف في رجلك وانك بتخش في غيبوبة بعيد الشر عنك طبعا وقال ايه خير اللهم اجعله خير السرير بينادي عليك وبيقولك ماتيجي تريح شوية يا برنس مش دي المشكلة المشكلة انك بعد ما تاخد تعسيلة وتصحى بتلاقي نفسك بتتسحب ورايح المطبخ وبتفتح الثلاجة وبتقول للطبق اكلك منين يا بطة عشان مطولش عليك واجوعك اكتر من كده هنتكلم عن المحشي وساعة ما بشوف المحشي ما اقدرش اسيبك وامشي.

المحشي المصري واصله جه منين

في الفيديو حنتكلم عن المحشي المصري بطريقة كوميدية يا رب تعجبكم. واكتبلنا في التعليقات بتحب محشي الكوسة ولا محشي الكرنب ولا ورق العنب ولا ايه. واهم حاجة الشير واللايك والاشتراك في القناة, وفي النهاية لو عندك راي آخر قولنا في التعليقات.

تعالوا نعرف اصل المحشى المصري جه منين على قناة فريم مصر وبيعتبر المحشي اكل مصري شعبي والكل بحيبه.

اترك تعليقًا